Aktuelt
17. oktober, 2025
Ny analysevisning i appen
Denne helga blir Wattn-appen oppdatert med ny analysevisning. Denne vil gi deg eit meir oversiktleg bilete av kva du betaler for. Du ser korleis straum, nettleige og straumstøtte fordeler seg – og får samtidig ei oversikt på kva den totale fakturaen din ligg an til å bli.
Slik fungerer prognosen
Prognosen viser eit estimat for kva totalsummen din vil bli denne månaden, basert på forbruket ditt så langt. Den endrar seg i takt med straumbruken din – bruker du mindre straum i dag og i morgon, vil prognosen justere seg ned, medan han aukar dersom forbruket ditt går opp.
Detaljane bak tala
Tala du ser er våre eigne estimat, laga for å etterlikne korleis nettselskapet ditt bereknar nettleige og kostnader. Det kan vere små forskjellar mellom berekningane våre og det som står på fakturaen din. Likevel gir overblikket eit realistisk og nyttig bilete av dei faktiske kostnadene dine.
Vil du redusere totalsummen?
Du har fleire små grep som kan gjere ein stor forskjell. Flytt forbruket til dei billigaste timane, unngå dei høgaste toppane som dreg opp nettleiga – og la dei smarte funksjonane i appen hjelpe deg med å styre forbruket automatisk.
Hjelp oss å bli betre
Ser du noko som manglar, eller eit tal som ikkje stemmer? Då vil vi gjerne høyre frå deg. Send ein e-post til hei@wattn.no med ei kort beskriving og gjerne skjermbilete.