Regjeringa sitt forslag til Norgespris på straum

Dette er forslaget om Norgespris:
-    Straumpris på 40 øre/kWh eks. mva (50 øre inkl. mva)
-    Norgespris-avtalen gjeld i 12 månader
-    Norgespris skal vere eit tilbod til privathushald og hytter
-    Du kan velje mellom Norgespris og dagens straumstøtteordning
-    Regjeringa har foreslått at ordninga skal tre i kraft 1. oktober 2025, men før dette må ho få fleirtal i Stortinget

Er Norgespris lønnsamt?
Norgespris blir lansert som ei meir føreseieleg løysing for straumforbrukarane. I denne samanhengen er det viktig å hugse på at det er forbruket som avgjer kva ein faktisk betaler. Den totale kostnaden på straumrekninga vil som i dag inkludere forbruk pluss nettleige, avgifter og eventuelle påslag.
Prisområda vil avgjere om og eventuelt kor mykje du kan spare med Norgespris.  Vi har fem prisområde i Noreg: Aust-Noreg (NO1), Sør-Noreg (NO2), Midt-Noreg (NO3), Nord-Noreg (NO4) og Vest-Noreg (NO5).

Basert på straumprisane frå 2024 kan vi sjå at Norgespris i fjor ville vore fordelaktig for forbrukarane i NO1 og NO2.

Norgespris hos Wattn
Vi vil sjølvsagt tilby Norgespris dersom ordninga blir vedteken i Stortinget. 
Samtidig kryssar vi fingrar og tær for at dette ikkje blir ei kvilepute når det gjeld energieffektivisering og det å bruke straumen smart. For det er vi opptekne av! Vi vil at kundane våre skal vere det mest energieffektive på marknaden, og dykk der ute er jo så godt i gang. Vi ser at over 70% av kundemassen vår bruker appen vår, som er full av gode verktøy som gagnar både lommeboka og miljøet.

I appen kan du mellom anna:
-    Følgje spotprisen time for time
-    Sjå spotprisprognose for dei neste 7 dagane
-    Setje på ulike varslingar slik at du kan flytte forbruket til gunstigare timar
-    Styre ladinga av elbilen
-    Samanlikne forbruket ditt med naboens og sjå om du bruker meir eller mindre straum
-    Sjå på forbrukssjekken som viser avvik i forbruket ditt

Sidan Arbeidarpartiet lanserte dette forslaget, og denne artikkelen vart publisert, har fleire av dei andre partia komme med eigne forslag og løysingar for straumprisar og straumstøtte. Vi følgjer med i spenning og held dykk oppdaterte!