Prisane stig i Midt-Norge (NO3) – Norgespris meir aktuelt

Kulda har sett inn og prisane på straum beveger seg oppover i Midt-Norge.  

Spotprisen gjorde eit kjempehopp tysdag denne veka, og prognosane tilseier høgare prisar framover.  Likevel meiner Norges første straumøkonom at det er vanskeleg å gi eit bastant ja eller nei til Norgespris i dette området. Her er kvifor:  

- Om straumprisane neste år utviklar seg slik ekspertane antar, vil Norgespris lønne seg for privatkundar i Midt-Norge (NO3). Men prognosar er berre kvalifiserte antakingar, og ting vil kunne endre seg. Det er derfor også ein risiko knytt til å velge Norgespris, seier straumøkonom, Elin Hessen i straumselskapet Wattn.

For straumkunder på Austlandet, Sørlandet og Vestlandet sør for Sognefjorden har Norgespris så langt gitt innsparingar. For forbrukarar frå Sognefjorden og nord til og med Trøndelag, har reknestykket til no vore annleis.  

Vêret betyr mykje for prisutsiktene. Siste vekene har utsikta til ein tørr og kald vinter auka og dette har drege opp prisforventningane for vinteren, også i dette område.

- Dersom prognosane for straumprisen i 2026 treff vil straumkundar i NO3 (Trøndelag, Møre og Romsdal og deler av Vestland og Innlandet) spare mellom 800 og 1900 kr i løpet av perioden. Dette avheng av storleik på bustad/hytte og når på døgnet og året du brukar straumen. Det er også viktig å presisere at dette er gjennomsnitt i løpet av eit heilt år, også medrekna dei månadane der spotprisen vil vere lågare enn Norgespris.  

Dei aller fleste brukar mest straum i vintermånadane. Det er også desse månadane straumen normalt sett er dyrast. Dersom du ønsker føreseielegheit, kan fordelen med å bestille Norgespris vege tungt, men du må vere villig til å ta risikoen for at prisprognosen kan endre seg.  

Har du ei hytte som er mykje i bruk i løpet av vinteren er kanskje valet enklare, meinar ho. Gitt at dagens prognoser treff vil det der vere penger å hente på Norgespris, då hytter som kjendt ikkje har vanleg straumstøtte. Då forventningane om straumprisane den komande vinteren ligg over Norgespris. 

- Om du tenker at føreseielegheit er viktig og at du ønsker å gå for Norgespris, kan det vere lurt å bestille no slik at du får med deg heile vintersesongen, der prisane normalt er høge, seier Hessen.

Til slutt kjem straumøkonom Elin Hessen med ei påminning:  

- Det er mogleg å teikne Norgespris når som helst. Då vil også ordninga gjelde frå dagen bestillinga blei gjort, altså umiddelbart. Om du ikkje vel Norgespris, får du automatisk den vanlege straumstøtta.