Ny marknadssjef i Wattn

Camilla kjem frå Harøya i Ålesund og har solid erfaring innan digital marknadsføring og merkevarebygging. Ho har dei siste åra jobba som marknadsansvarleg i Twoday, eit Nordisk teknologiselskap som leverer konsulenttenester innan data, AI og digital transformasjon. Tidletiare har ho hatt nøkkelroller i selskap som iProspect, Carat og Egmont Publishing.

Som marknadssjef i Wattn vil Camilla få ansvaret for å utvikle og gjennomføre marknadsstrategien til selskapet. Ho skal leie arbeidet med å styrke Wattns posisjon og utvikle den beste digitale kundeopplevinga. 

- Eg ser fram til å jobbe med denne spennande merkevara. Wattn er ung, men har allereie eit sterkt fotfeste i marknaden. Eg gler meg til å bidra med å skape endå større verdi for kundane og styrke Wattns posisjon i ein bransje i rask utvikling, seier Camilla.

Camilla sin bakgrunn innan digital marknadsføring og dataanalyse gir henne verdifull innsikt i korleis ein kan kombinere teknologi og kreativitet for å bygge ei sterk merkevare i ein konkurranseutsett marknad. CCO Frank Torheim, er veldig fornøgd med å ha fått på plass ein marknadssjef som skal bidra til å løfte selskapet og nå vekstambisjonane.

- Camilla har sterk digital kompetanse, noko som er viktig for oss. Ho blir eit godt tilskot til marknadsteamet og tek med seg mykje relevant erfaring som vil bidra til å utvikle merkevara vidare, og styrke rolla vår som eit digitalt marknadsselskap.