Stort løft i spotprisen

Heile Norden opplever no høge spotprisar som følge av låg vindkraftproduksjon, relativt kaldt vêr og redusert vasskraftproduksjon i Nord-Sverige. Sistnemnde kjem av at elvene er i ferd med å fryse til før vintersesongen. Vassdraga i Nord-Sverige står for om lag 15 prosent av svensk kraftproduksjon, og effekten blir no redusert tilsvarande eitt til to kjernekraftverk for å leggje til rette for innfrysing.

Dette skjer kvart år når kulda kjem og varer om lag ei veke. I denne perioden får spotprisen – spesielt i nordområda (Nord-Sverige samt Midt- og Nord-Noreg) – eit ekstra løft. Kulda bidreg òg til høgare forbruk, og kombinert med lite vind gir dette ytterlegare prispress.