Trass i ein markant prisoppgang mot slutten av året vart 2025 samla sett eit lågprisår for dei nordlege prisområda. I Sør-Noreg utvikla prisane seg i motsett retning, med høgare nivå enn i 2024. Snittprisen i NO3 (Trondheim) enda på 24,7 øre/kWh, ned frå 32,6 øre/kWh året før. I NO1 (Oslo) steig snittprisen til 68,4 øre/kWh, opp frå 48,7 øre/kWh i 2024.
Prisforskjellane mellom nord og sør var uvanleg store gjennom året, hovudsakleg som følgje av ein markant snøkontrast. Nordlege område hadde rekordstore snømengder, medan snømagasina i sør var klart lågare enn normalt. Dette gav store regionale skilnader i kraftbalansen og dermed i prisnivå.
Inngangen til det nye året har vore prega av kaldt vêr og moderat vindkraftproduksjon. Prognosane tyder på at dette vêrbildet kan halde fram minst fram til 20. januar. Mot slutten av perioden kan auka vind bidra til noko lågare kraftprisar, men samla sett ligg det an til ein klart dyrare start på 2026 samanlikna med januar i fjor.
