Det tyske grøne skiftet «Energiwende» held fram

Når året går mot slutten, viser ferske estimat frå energibransjen (BDEW) at fornybar energi vil dekkje om lag 56 prosent av det tyske kraftforbruket. Solenergi veks raskt og er venta å stå for meir enn ein tredel av den totale fornybarproduksjonen i 2025.

Tyskland har sett seg som mål at 80 prosent av energiforbruket skal kome frå fornybare kjelder allereie i 2030. For å sikre balanse i kraftsystemet vil landet styrkje kapasitetsmarknadene. Høgeffektive gasskraftverk – førebudde for seinare ombygging til hydrogen – skal bidra, og kapasiteten i marknaden blir auka med rundt 10 GW.

Heile energisystemet i vårt største kraftmarknad i Europa er i rask endring. Energiwende bidreg til lågare kraftprisar over tid og styrkt konkurranseevne for tysk industri. For norske næringskundar betyr dette at kraftmarknaden i aukande grad blir påverka av utviklinga på kontinentet. I lange periodar kan Noreg få tilgang til rimeleg importkraft, noko som påverkar både prisnivå og marknadsdynamikk også her heime.

Utviklinga i Tyskland er difor viktig å følgje tett – ikkje berre som energipolitikk, men som ein sentral premiss for rammevilkåra til norsk næringsliv.