Ofte stilte spørsmål om straumstøtteordninga

• Kven får straumstøtte i mai?

  I mai er det berre prisområda NO1, NO2 og NO5 som får utbetalt straumstøtte.
  
  Gjennomsnittsprisen i NO1 (Oslo) var på 78,61 øre/kWh, NO2 (Kristiansand) var 80,66 øre/kWh, NO5 (Bergen) 78,99 øre/kWh
  
  Gjennomsnittsprisen i NO3 var 31,82 øre/kWh og NO4 21,94 øre/kWh.
  
  Føresetnaden for å få straumstøtte er at eigedomen er definert som bustad i eigedomsinformasjonen til Statens Kartverk.
  
  Støttesatsar for april med 80 % støtteandel:
  
  

  Prisområde	Gjennomsnittspris	Støttesats
  NO1 Aust	78,61 øre/kWh	8,61 øre/kWh
  NO2 Sør	80,66 øre/kWh	10,66 øre/kWh
  NO5 Vest	78,99 øre/kWh	8,99 øre/kWh
  NO3 Midt-Noreg	31,82 øre/kWh	0 øre/kWh
  NO4 Nord m/mva	21,94 øre/kWh	0 øre/kWh
  NO4 Nord u/mva	21,94 øre/kWh	0 øre/kWh

• Korleis vert straumstøtta rekna ut?

  Her er eit konkret eksempel på utrekning av straumstøtte:

  Gjennomsnittleg spotpris i april i prisområdet NO1 var 110,94 øre/kWh.
  
  Ei hushaldning i dette prisområdet får då tilbakebetalt 80 % av differansen mellom 70 øre og 110,94 øre.
  
  80 % av 110,94 øre/kWh + mva blir 40,94 øre/kWh.
  
  Utrekning for ein bustad som hadde eit forbruk på 2 322 kWh i den aktuelle månaden:
  
  2 322 kWt * 40,94 øre/kWt = ca. 951 kr i straumstøtte.
  

• Kva om spotprisen er veldig høg nokre timar, og over gjerne over fleire dagar?

  Det er den gjennomsnittlege prisen i prisområdet der du har bustaden din som vert brukt til å berekne straumstøtte. At prisen er høg i ei kortare periode har begrensa betydning for rekninga, og støtta blir derfor berekna ut frå gjennomsnittleg månadspris i området.

• Kvifor har eg ein høgre snittpris per kWh på rekninga mi enn det det som er snittprisen for området der eg bur?

  Spotprisen varierer frå time til time. Din snittpris vil verte rekna ut frå tidspunktet du brukar straum. Dersom du har brukt mest straum i timar der spotprisen er høg vil snittprisen din bli høgre enn om du brukar mest straum i timar der spotprisen er låg. Gjennomsnittsprisen som blir brukt ved utrekning av straumstøtte er snittprisen i prisområdet utan hensyn til forbruk.

• Kva straumavtale må eg ha for å få straumstøtte?

  Er snittprisen over 70 øre/kWh ekskl. mva. i prisområdet der du bur får straumstøtte uansett om du har fastprisavtale, spotavtale eller standard variabel avtale. Men du må vere merksam på at ved utrekning av straumstøtta vert det ikkje tatt hensyn til kva type straumavtale du har.

• Må eg betale moms (meirverdiavgift/mva) på støttebeløpet?

  Du betalar ikkje avgifter på straumstøtta du får utbetalt. Det står imidlertid i straumstøttelova at det skal takast hensyn til mva når ein reknar ut støttebeløpet. Dette er løyst ved å legge til 25 % på støttesatsane for dei områda der kundane ikkje har fritak for mva på straumen. På den måten tek straumstøtta hensyn til om du betalar mva på straumen eller ikkje.
  
  Innbyggarar i Nordland og Troms og Finnmark har mva-fritak på straum. I prisområda som dekkjer desse fylka vert det ikke lagt til 25 % på støttesatsane.

• Kva om eg brukar meir enn 5 000 kWh ein månad, kva skjer med forbruket over 5 000?

  Du må betale for all straum du brukar i høve den straumavtalen du har inngått. Du får imidlertid støtte for forbruk opp til 5 000 kWh per månad. Forbruk over 5 000 kWh per månad vert det ikkje kompensert for.

• Kvar finn eg beløpet for straumstøtte?

  Straumstøtten ser du på side 2 på fakturaen.

  • Får du straum og nettleige på same faktura, finn du straumstøtta på fakturaen frå straumleverandøren.
  • Får du ikkje straum og nettleige på same faktura, finn du straumstøtta på faktura frå nettselskapet ditt.

• Eg har sagt opp straumavtalen min og får ikkje straumstøtte

  Har du nyleg skifta straumleverandør, vil straumstøtta kome på faktura frå nettselskapet ditt, eller frå den nye straumleverandøren din.

• Kvifor har ikkje eg fått straumstøtte på fakturaen min?

  Det er nettselskapet ditt som har ansvaret for å betale ut straumstøtta til deg. Tilbyr ikkje nettselskapet der du bur gjennomfakturering*, vil du få eigen faktura for nettleige direkte frå nettselskapet, og straumstøtte blir trekt frå på denne.
  
  Vi som straumleverandør legg til nettleiga på fakturaen, slik at du får straum, nettleige og straumstøtte på same faktura.
  
  *gjennomfakturering betyr at nettselskapet sender faktura for nettleige til straumleverandøren.

• Kan eg få straumstøtte på hytta eller feriehuset mitt?

  Har du hytte eller fritidsbustad får du i utgangspunktet ikkje kompensasjon for straumforbruket på den adressa. Unntaket er om du har hytta som einaste bustad.
  
  Har du hytta som einaste bustad og har hatt folkeregistrert adresse på hytta/fritidsbustanden din før 18. januar 2023 har du rett til å få straumstøtte. Er dette tilfelle for deg kan du få tilbakebetalt for forbruk frå og med september 2022. Du må sjølv melde frå til nettselskapet for å få straumstøtte. Dersom nettselskapet ikkje har nødvendig tilgang til opplysningane i Folkeregisteret, må du skaffe dokumentasjon frå Skatteetaten og gi vidare til nettselskapet.
  
  Har du bustadsregistrert fritidsbudstad etter 18. januar 2023 kan du motta støtte dersom det vert framlagt bruksendringstillatelse frå kommunen, men du vil ikkje få tilbakebetalt støtte for tidlegare forbruk.
  
  Ta kontakt med nettselskapet ditt dersom du har spørsmål om straumstøtte når du har folkeregistrert adresse på hytta!

• Kan eg få straumstøtte til hytta/fritidsbustaden min?

  Har du hytta som einaste bustad og har hatt folkeregistrert adresse på hytta/fritidsbustanden din før 18. januar 2023 har du rett til å få straumstøtte. Er dette tilfelle for deg kan du få tilbakebetalt for forbruk frå og med september 2022. Du må sjølv melde frå til nettselskapet for å få straumstøtte. Dersom nettselskapet ikkje har nødvendig tilgang til opplysningane i Folkeregisteret, må du skaffe dokumentasjon frå Skatteetaten og gi vidare til nettselskapet.
  
  Har du bustadsregistrert fritidsbudstad etter 18. januar 2023 kan du motta støtte dersom det vert framlagt bruksendringstillatelse frå kommunen, men du vil ikkje få tilbakebetalt støtte for tidlegare forbruk.
  
  Ta kontakt med nettselskapet ditt dersom du har spørsmål om straumstøtte når du har folkeregistrert adresse på hytta!