Vi søker etter Innhaldsprodusent

Arbeidskvardagen din
Som innhaldsprodusent hos oss vil du få ein variert og dynamisk kvardag. Her får du høve til å skape innhald til fleire ulike digitale medium og nå ut til eit stort publikum. I rolla vil du få bruk for kreativiteten din og vi legg til rette for god personleg og fagleg utvikling. Du kjem inn i eit miljø med engasjerte og erfarne kollegaer i eit selskap med store vekstambisjonar.

I stillinga vil du rapportere til marknadssjef og jobbe i marknadsavdelinga med arbeidsstad på eit av kontora våre i Ålesund, Sandane, Ørsta eller Kvinnherad. Her vil du jobbe både i team og sjølvstendig med store moglegheiter for å få meir ansvar for det kreative.

Nokre av dine viktigaste arbeidsoppgåver:

• Planlegging av innhald i tråd med målet og strategien til selskapet
• Utvikle kreative konsept som forsterkar det digitale nærværet vårt
• Produksjon og publisering av engasjerande innhald som videoar, bilete og grafiske element til SoMe, nettsider og interne kanalar
• Tekstproduksjon og utforming av skriftleg innhald som guidar, beskrivingar og artiklar

Kven er du?
Vi ser etter deg med utdanning og/eller erfaring frå innhaldsproduksjon. Du har gjerne bakgrunn frå grafisk design, innhaldsproduksjon, digital kommunikasjon e.l. Vi ser for oss at du har sterk interesse for å skape innhald som engasjerer eit variert publikum. Det vil vere ein fordel med erfaring frå marknadsarbeid og innhaldsproduksjon. I tillegg vil god kunnskap om ulike plattformer som Meta, Google, Linkedin m.m. vere ein fordel. 

Som person trur vi du er kreativ, sjølvstendig og energisk. Vi verdset om du liker å ta initiativ og er komfortabel med å vere både foran og bak kamera.